Teksa turizmi është zhvilluar shumë vitet e fundit në Gjirokastër, ashtu si në të gjithë vendin problem mbetet fuqia punëtore. Bizneset që operojnë në këtë sektor kanë nisur të gjejnë njerëz nga vendet aziatike. Ministrja e Turizmit, Mirela Kumbaro, ka prezantuar sot një vajzë nga Filipinet, e cila punon në një hotel të Gjirokastrës.
“Ditë të mbarë nga një oaz i ri mikpritjeje në pazarin e Gjirokastrës – N’sokak Boutique Hotel – ku çajin e malit të mbledhur në Nemërçkë ️ ta shërben Xhulia nga Filipinet dhe kupton se ky qytet është kthyer në një treg atraktiv për botën jo vetëm për t’u vizituar, por edhe për të punuar në fushën e turizmit”, shkruan Kumbaro në Faqen e saj në Facebook.
