Kanë zbritur nga anija italiane “Casiopea” në portin e Shëngjinit 49 emigrantët e paligjshëm nga Egjipti dhe Bangladeshi.
Nga pamjet e siguruara nga LSA, emigrantët shihen me rroba e qese në duar, teksa në radhë shkojnë drejt qendrën pritëse, ku do t’i nënshtrohen procedurave të verifikimit dhe kontrollit shëndetësor.
Ky është grupi më i madh i emigrantëve që zbarkojnë në vendin tonë, që pas nisjes së zbatimit të marrëveshjes Itali – Shqipëri, pas një ndalese prej rreth dy muajsh.
Kujtojmë se ky është kontingjenti i tretë i emigrantëve të paligjshëm që mbërritën në Shqipëri.
Më 16 Tetor dhe 8 nëntor 2024 anija luftarake “Libara” solli në Shqipëri dy kontingjentë me 24 emigrantë, kryesisht nga Egjipti dhe Bangladeshi të cilët pas vendimit të gjykatës italiane, u rikthyen në vendet e origjinës, pasi këto dy shtete u cilësuan si vende të sigurta.
