Drejtoria Vendore e Policisë së Shtetit në Gjirokastër ka shpërndarë sot një njoftim të shkurtër për vdekjen e Baba Hekuran Nikollarit në Teqenë e Baba Aliut në Alipostivan, Përmet. Policia thotë se nga të dhënat paraprake dyshohet që vdekja të ketë ardhur për shkaqe natyrale, megjithatë pritet ekspertiza për të përcaktuar shkakun e vërtetë.
POLICIA E SHTETIT
Përmet/Më datë 03.02.2025, rreth orës 22:00, në vendin e quajtur “Teqeja e Alipostivanit”, është gjetur pa shenja jete dhe pa shenja dhune, shtetasi H. N., 61 vjeç, Baba i Teqes. Nga veprimet e para hetimore dyshohet se ky shtetas ka humbur jetën nga shkaqe natyrale. Pritet ekspertiza mjekoligjore për të përcaktuar shkakun e humbjes së jetës. Grupi hetimor vijon punën për sqarimin e plotë të rrethanave të rastit.
