Kryeministri Edi Rama, komentoi edhe këtë të enjte arrestimin e Erion Veliajt, vendim të cilin e quajti të padrejtë nga prokurori i SPAK, pasi sipas tij, më parë duhet të ishte bërë gjyqi dhe të merrej i pandehur.
Në rubrikën “Sy m’sy” ku foli gjatë për këtë çështje, Rama tha se ka një dallim mes një personi të dyshuar dhe një të pandehuri dhe sipas tij, duhen provuar dyshimet e prokurorit dhe më pas të arrestohet dhe të vuajë dënimin nëse ka gisht në korrupsion.
Rama theksoi se pa të dhe Partinë Socialiste, nuk ka SPAK.
“Sa kam hapur sytë herët si gjithmonë, se bëj edhe stërvitjen, më është kujtuar fjala e Winston Churchill. Studioni historinë, aty gjenden sekretët e shtetbërjes. Pse mu kujtua kjo? Do mundohem ta shtjelloj me ju se ishte mendimi i parë sa hapa sytë? Jemi të sigurt ne në këtë diskutim, ndryshimin mes të dyshuarit dhe të pandehurit. I dyshuari dikush që edhe prokuroria nuk i ka provat e duhura. I pandehuri është diskush që prokurori thotë dua burg për këtë person, kam këto prova fillo gjyqin.
I pandehuri është kur prokuroria e ka bindjen.
Pyetja e dytë, a e dini që kryetari i Bashkisë së Tiranës, nuk është i pandehuri? Vetë prokurori nuk e mendon që është gati të hapë gjyqin. Statusi i Erion Velisë sot tregon këtë. Të gjithë ata që thonë çpati Edi Rama, të mbrojmë SPAK-un nga Edi Rama. Nëse nuk mbron Edi Ramën në betejën e tij bashkë me partinë Socialiste, harrojeni SPAK.
Pa Edi Ramën dhe PS nuk ka SPAK! Sepse bufi i kënetës e thotë dhe mënyrë deklarative, më jepni votën të shkri SPAK-un. Ato partiçkat kanë të re vetëm moshën e pronarit të tyre se kanë të njëjtën sjellje si sjellja e bufit të kënetës”-u shpreh Rama.
