Një operacion në shkallë të gjerë kundër mafies shqiptare është organizuar në Bruksel.
Sipas medieve belge, të paktën 200 oficerë policie janë përfshirë në këtë operacion kundër një organizate kriminale shqiptare. Operacioni është përqendruar në dy lagje të Brukselit dhe vjen pas muajsh të tërë hetimi.
Policia bëri me dije se operacioni nuk ka lidhje me sulmet me armë të kohëve të fundit në Bruksel, pasi në shënjestër është një grup kriminal i kanabisit, jo i kokainës.
Edhe javën e kaluar policia goditi një bandë shqiptare të drogës në një seri aksionesh në mbarë Belgjikën.
Këtë herë ishte në shënjestër një bandë e kultivimit dhe shitjes së kanabisit.
Në total janë zbuluar 11 ‘shtëpi bari’ dhe janë sekuestruar rreth 8 mijë bimë kanabisi.
