Autoritetet shqiptare kanë nënshkruar të dielën e 23 shkurtit, dy marrëveshje bashkëpunimi me Emiratet e Bashkuara Arabe, në prani të kryeministrit Edi Rama dhe presidentit Mohamed bin Zayed Al Nahyan.
Një prej marrëveshjeve është ajo për projektin “Smart City”, vendosjen e kamerave nëpër qytetet shqiptare, për të rritur më tej parametrat e sigurisë publike.
Ministri i Brendshëm, Ervin Hoxha, sakaq ishte pjesëmarrës për nënshkrimin e letrës së angazhimit për Projektin e Qytetit Inteligjent të Shqipërisë me “Presight AI Ltd”.
Nuk dihet ende me saktësi nëse ky projekt do të financohet nga Emiratet Arabe 100% apo me bashkëfinancim. Marrëveshjet e sotme u shkëmbyen në një ceremoni të posaçme në praninë e Kryeministrit Rama dhe Presidentit të EBA Mohamed bin Zayed Al Nahyan.
