Nga Mirela Kumbaro
Prof. Dr. Shyqyri Hysi i bashkohet skuadrës fituese të Gjirokastrës në 11 maj si figura e intelektualit dhe modeli i qytetarit aktiv në shoqëri i cili gëzon respekt si nga memaliotët ku ka rrënjët në Kalivaç, ashtu dhe nga gjirokastritët që e kanë njohur si pedagog në Universitetin “Eqrem Çabej”, koleg me përvojë në mesimdhënie dhe si një nga intelektualët e njohur të qarkut Gjirokastër!
Profesor Shyqo, në udhëtimin tonë drejt misionit #Shqipëria2030, vjen si një zë i fortë i përkushtimit në komunitet përmes kontributit të tij në shoqatat kulturore “Labëria” apo “Tafil Buzi”, në promovimin e vlerave dhe forcimin e lidhjeve kulturore mes këtyre komuniteteve.
Me bekimin e tyre, me mbështetjen e Partisë Socialiste dhe si aplikant në platformën “Deputeti që Duam”, Profesori është kandidati i duhur i skuadrës sonë për të vazhduar punët e mira për Gjirokastrën 2030.
