Partia Demokratike Gjirokastër ka bërë sot një denoncim të çuditshëm. E fillon me disa suva pallatesh që sipas PD-së shkëputen nga lartësia dhe rrezikojnë jetën.
Pastaj pyet kryetarin e bashkisë, Flamur Golemi, se ku i gjeti lekët për gostinë me drejtorë, ish-drejtorë e patronazhistë. “Pyetja lind, kjo gosti është nga xhepi i tyre personal apo nga taksapaguesit gjirokastritë”, thotë Daniel Sino, sekretar i PD Gjirokastër duke iu referuar një darke me qofte e pica të Flamur Golemit me disa me kryetarë organizatash të PS-së.
Opozitë më të fortë se kjo, Gjirokastra nuk ka parë ndonjëherë. Pasi ia kanë “nxirë jetën” Flamur Golemit dhe Mirela Kumbaros me denoncime dhe pasi i kanë sfiduar vazhdimisht me ekip të ri dhe ide konkurruese, e fundit që ju ka ngelur pa thënë është pyetja se ku i gjetën lekët për të paguar një darkë me pica dhe qofte.
E tundën nga themelet pushtetin me këtë opozitë kaq të fortë, aq sa nga frika e PD-se në Gjirokastër, me qarkore të brendshme të Mirelës, Flamuri dhe gjithë të tjerët nuk do të ulen më në dreka e darka. Shiheni për zbavitje të plotë denoncimin opozitar në videon më poshtë. ©Argjiroja.net
