Turizmi në Gjirokastër po rritet vit pas vite dhe shumë të rinj nga jashtë vendit rikthehen për të punuar në këtë sektor. Mirela Kumbaro ka prezantuar sot një prej trashëgimtarëve në shtëpinë e madhe të Zekatëve, i cili është rikthyer nga Greqia për të punuar këtu tashmë.
“E lumtur që Xhorxhi, njëri prej trashëgimtarëve, është rikthyer të mbajë derën e shtëpisë hapur dhe të presë vizitorë nga gjithë bota – kureshtarë për të njohur shtëpitë e mëdha të Gjirokastrës që janë muze të vërtetë etnografikë dhe thesare artizanale, por edhe për të kontribuar në zinxhirin e ekonomisë së prodhuar nga praktikat e turizmit”, thotë Kumbaro teksa publikon edhe një video nga vizita te shtëpia e Zekatëve.
