Një ngjarje e rëndë ka ndodhur mbrëmjen e së enjtes në Lundër, ku 4 persona kanë mbetur të plagosur.
Ata kanë qenë duke udhëtuar me makinë, kur janë qëlluar me armë.
Policia e Tiranës ka dhënë informacionet paraprake mbi ngjarjen e rëndë.
Sipas policisë, në spital janë paraqitur edhe dy të mitur, të moshës 11 dhe 17 vjeç.
Sipas burimeve, 11-vjeçari është në gjendje të rëndë.
Të plagosurit janë: Arens Stafa, 34 vjeç, Marko Bardhi Demiraj, 17 vjeç, të cilët janë të dëmtuar në dorë dhe krah, Dior Demiraj, 11 vjeç dhe Kian Mullaj, 19 vjeç, të cilët janë futur në sallë.
Tiranë/Informacion paraprak
Më datë 17.04.2025, rreth orës 21:50, në spitalin e Traumës, kanë shkuar dyshohet të plagosur me armë zjarri në Lundër, shtetasit A. S., 34 vjeç, K. M., 19 vjeç, dhe dy të mitur të moshës rreth 11 vjeç dhe 17 vjeç.
Është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.
Për këtë ngjarje do të kemi informacion më të zgjeruar pas sqarimit të plotë të rrethanave të rastit.
