Një aksident rrugor është regjistruar këtë të shtunë në qytetin e Përmetit, vetëm 10 metra larg godinës së Komisariatit të Policisë. Një automjet tip BMW, i drejtuar nga një shtetas me inicialet T.K., ka përplasur një qytetare me inicialet L.L. në kryqëzimin pranë komisariatit. E dëmtuara është transportuar menjëherë në spitalin e Përmetit, ku po merr ndihmën e parë mjekësore. Gjendja e saj shëndetësore ende nuk është bërë e ditur. Policia ndodhet në vendngjarje dhe ka nisur hetimet për zbardhjen e plotë të rrethanave të aksidentit.
NJOFTIMI
Përmet/Informacion paraprak
Rreth orës 13:45, në kryqëzimin e qytetit të Përmetit, shtetasi J. K., 39 vjeç, duke drejtuar automjetin tip “Bmw”, ka përplasur këmbësoren, shtetasen V. L., 60 vjeçe. Si pasojë është dëmtuar lehtë 60-vjeçarja, e cila ndodhet në Spitalin e Përmetit, për ndihmë mjekësore. Drejtuesi i automjetit, u shoqërua në komisariat, për veprime të mëtejshme. Grupi hetimor ndodhet në vendngjarje dhe po kryen veprimet e mëtejshme për aksidentin.
