Reagim i Drejtorisë Vendore të Policisë Gjirokastër
Në lidhje me një video të postuar në rrjete sociale, ku shfaqet një automjet që kryen parakalim të gabuar në kushtet e fushëpamjes së kufizuar, në aksin rrugor “Gjirokastër-Tepelenë”, bëjme me dije se:
Specialistët e Sektorit të Policisë Rrugore kanë identifikuar drejtuesin e automjetit, shtetasin S. K., dhe i kanë vendosur atij, masën administrative 10 000 lekë të rinj, bazuar në pikat 10 dhe 16 të nenit 146 të Kodit Rrugor.
Drejtoria Vendore e Policisë Gjirokastër fton qytetarët që të denoncojnë në numrin 112 dhe në Komisariatin Dixhital, çdo rast të shkeljes së rregullave të qarkullimit rrugor, dhe i garanton ata se do të reagojë menjëherë dhe konform ligjit.
