Aksidentoi tre të miturit me monopatinë në Tiranë, lihet në “arrest shtëpie” shoferi

Gjykata Penale ka caktuar masën e sigurimit “arrest në shtëpi” për shoferin, i cili përplasi 3 fëmijët e mitur që ishin duke lëvizur me monopatinë në Tiranë, raporton gazetarja e Klan News, Glidona Daci.
Aksidenti ndodhi në 25 qershor, në bulevardin “Dëshmorët e Kombit”, Tiranë, rreth orës 10:30, ku një automjet përplasi dy monopatina, me të cilat po lëviznin tre të mitur.
Sipas dinamikës së rindërtuar nga policia, dy skuterët elektrikë me të cilat lëviznin 3 të miturit, kishin sens drejtimi nga ish-hotel Dajti për tek ura e ish-bllokut.
Ndërsa automjeti tip Renault me drejtues 41-vjeçarin E.S., po lëvizte nga bulevardi ‘Dëshmorët e Kombit’ në drejtim të urës së ish-bllokut.
Pikërisht në kryqëzimin e bulevardit ka ndodhur dhe përplasja.