POLICIA E SHTETIT
Specialistët për Hetimin e Krimeve në Komisariatin e Policisë Sarandë kanë referuar materialet në Prokurori dhe kanë nisur procedimin penal ndaj dy vëllezërve nga Peqini, J. H. dhe S. H., të dy 30 vjeç.
Ngjarja ka ndodhur më datë 29 qershor 2025, në lagjen nr. 4 të qytetit të Sarandës, ku gjatë një konflikti për motive të dobëta, dy vëllezërit kanë goditur me grushta dy qytetarë sarandjot, përkatësisht K. M., 20 vjeç dhe D. M., 46 vjeç.
Policia ka bërë me dije se materialet i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Sarandë për veprime të mëtejshme procedurale.
