Ndahet nga jeta aktori i njohur i “Fantastic Four”

Aktori australian Julian McMahon, i njohur për rolet e tij në seriale të njohura si “Nip/Tuck” dhe “Charmed”, ka ndërruar jetë në moshën 56-vjeçare.
Gruaja e tij tha se aktori ndërroi jetë në Clearëater të Floridës, teksa prej disa vitesh vuante nga një sëmundje e rëndë.
Karriera e McMahon mori hov me serialin televiziv mbinatyror “Charmed” përpara se ai të fitonte njohje më të gjerë me “Nip/Tuck”, dramën mjekësore në të cilën ai luajti rolin e kirurgut plastik Dr. Christian Troy.
McMahon gjithashtu luajti rolin e Doctor Doom në dy filma të Fantastic Four në 2005 dhe 2007 dhe më vonë u shfaq në tre sezone të FBI: Most Wanted.