Edjona Dano është emëruar shefja e re e Komisariatit të Policisë në Kuçovë.
Zonja Dano ishte e vetmja grua që garoi për shefe komisariati dhe u shpall në listën fituese, si dhe u kualifikua fituese edhe në mesin e 290 garuesve që synonin në fund të vitit të kaluar për të qenë shefa komisariatesh.
Në historinë e policisë shqiptare është rasti i dytë kur një grua drejton një komisariat policie. Në vitin 2016 zonja Anila Popa drejtoi për pak muaj komisariatin e policisë në Librazhd.
