Britney Spears ka surprizuar fansat e saj me një lajm të papritur dhe emocional. Përmes një postimi në Instagram, ku shfaqej duke vallëzuar në stilin e saj të njohur, këngëtarja zbuloi se ka adoptuar një vajzë të vogël të quajtur Lennon London Spears.
“Kam nevojë për kafe dhe dua t’ju njoftoj se kam adoptuar një vajzë të bukur!!!” – shkroi ajo në mbishkrimin e videos, duke emocionuar ndjekësit e saj në mbarë botën.
Britney ndau gjithashtu një detaj të ëmbël për vogëlushen Lennon, e cila mbante veshur një fustan me mbishkrimin “JAM E RE KËTU”, duke lënë të kuptohet që vogëlushja tashmë është pjesë e re e jetës së saj. Në fund të postimit, Spears pati një mesazh të drejtpërdrejtë për publikun:
“Ju lutem, ndaloni negativitetin, Amerikë!”, duke kërkuar mbështetje dhe mirëkuptim për këtë hap të rëndësishëm në jetën e saj.
