Deputeti i zgjedhur i Gjirokastrës, Piro Dhima, thotë se nuk po pushon edhe pse sipas tij Kuvendi është pushim. Përmes një postimi në Facebook, Dhima fton qytetarët që t’i shkruajnë nëse kanë ndonjë ide apo histori që duhet dëgjuar. “Më shkruaj ku duhet të jem… do të vij”, thotë Dhima mes të tjerash.
Më poshtë reagimi i tij i plotë.
Gusht në terren, shtator në Kuvend
Edhe pse Kuvendi është në pushim, unë jo.
Ky muaj është një mundësi për të qenë më afër se kurrë me qytetarët. Do të jem në çdo lagje, fshat, rruge të harruar, duke takuar njerëz, duke dëgjuar histori dhe duke mbledhur problemet që më pas do t’i çoj në sallën e Parlamentit.
✅ Gushti do të jetë për dëgjim
✅ Shtatori e vazhdim për zgjidhje
Nga rrugët që kanë mbetur per tu bërë, te zyrat që nuk japin shërbim si duhet, nga bizneset që zhvillohen e përpiqen çdo ditë, te të rinjtë që kërkojnë mundësi. Do t’i dëgjoj të gjithë.
️ Po përgatis një plan veprimi me interpelanca, propozime dhe pyetje parlamentare që nisin sapo hapet sezoni i ri në shtator.
️ Nëse ke një çështje, ide, apo thjesht një histori që duhet dëgjuar më shkruaj. Ky është momenti që zëri yt të dëgjohet. *Më shkruaj ku duhet të jem…do të vij.
