Pas publikimit të një denoncimi që mberriti në redaksinë tonë për disa kuaj të ngecur në një lerë mbi fshatin Jorgucat, ka ndërhyrë Bashkia Dropull.
Fatmirësisht u arrit të shpëtoheshin 4 kuaj ndërsa nesër do të zbrazet dhe pastrohet plotësisht lera. Kuaj të tjerë bashkë me disa lopë, numri i të cilave ende është i paqartë, fatkeqësisht kishin ngordhur.
Nga të dhënat e para dyshohet se për shkak të thatësirës së madhe kuajt dhe lopët kishin shkuar për të pirë ujë, por në përpjekje për të arritur ujin, niveli i të cilit ishte ulur në lerë, ranë brenda e nuk mundën të dilnin më prej aty. ©Argjiroja.net
