Këtë mëngjes, plazhi i mrekullueshëm i Dhërmiut është zgjuar me një panoramë krejtësisht të pazakontë dhe skenike: në det qëndron një jaht gjigant, i cili vlerësohet të arrijë rreth 147 metra në gjatësi. Anija madhështore ka tërhequr menjëherë vëmendjen e pushuesve dhe kalimtarëve kureshtarë.
Sipas zërave jozyrtarë, në bord ndodhet sheiku Mansour bin Zayed Al Nahyan, si dhe zv.kryeministër i Emirateve të Bashkuara Arabe. Thuhet gjithashtu se ai është pronari i Manchester City-t) dhe ka mbërritur në Shqipëri si i ftuar i Kryeministrit Edi Rama. Jahti luksoz e bën edhe më tërheqëse këtë zonë të njohur bregdetare.
Nuk kanë munguar as selfiet dhe videot, të cilat i zhysin turistët në një atmosferë kurioziteti dhe glamuri që përhapet përgjatë gjithë plazhit.
