Erion Veliajt, kryebashkiakut të arrestuar i është hequr drejtimi i Shoqatës Kombëtare të Bashkive të Shqipërisë.
Në mbledhjen e zhvilluar një ditë më parë u votua për kryetarin e ri të Shoqatës Kombëtare të Bashkive të Shqipërisë, ku është zgjedhur Emirjana Sako.
Vetë kryetarja e Bashkisë së Durrësit e ka bërë të ditur zgjedhjen e saj në drejtimin e Shoqatës.
Ky zëvendësim vjen pak ditë para mbledhjes së Këshillit Bashkiak për shkarkimin e Erion Veliajt.
Kujtojmë se kryeministri Edi Rama e shkarkoi politikisht Veliajn në Asamblenë e PS-së në 11 shtator.
Rama kandidoi Ogerta Manastirliun për garën në Bashkinë e Tiranës.
