Personi që shihni në foto është 16-vjeçari Manuel Leti, i riu që humbi jetën në aksidentin tragjik në Itali.
Ai ishte student i informatikës në CfP Zanardelli të Darfos, i apasionuar pas motorëve dhe për të gjithë ishte djali shembullor dhe plot energji. Por, një aksident i tmerrshëm i preu jetën në mes.
Pasditen e së shtunës, teksa ishte duke udhëtuar me motoçikletën e tij, 16-vjeçari u përplas nga një automjet tip “Audi” që drejtohej nga një 44-vjeçar.
Pas përplasjes djaloshi humbi kontrollin e motoçikletës, duke u përplasur kështu me një shtyllë ndriçimi. Pavarësisht mbërritjes së menjëhershme të ekipit së emergjencës, Manuel Leti nuk mundi ti mbijetonte plagëve të forta që kishte marrë, në bark dhe në gjoks.
I lindur në Itali nga prindër me origjinë shqiptare, Manuel ishte rritur në Pian Camuno dhe pak muaj më parë ishte zhvendosur në Artogne.
Si ndodhi aksidenti:
Aksidenti tragjik u regjistrua rreth orës 14:00 të së dielës në Artogne. I riu shqiptar ishte duke lëvizur me motorin e tij, kur në kryqëzimin me rrugën Caduti della Resistenca u përplas me një “Audi” i cili drejtohej nga një 44-vjeçar. Pas përplasjes, i riu humbi kontrollin dhe përfundoi duke u përplasur me një shtyllë dhe fatkeqësisht si pasojë e plagëve humbi jetën në vendin e ngjarjes.
Një mik që ishte duke e ndjekur me një motor tjetër ishte i pafuqishëm që ta ndihmonte, ashtu si dhe forcat mjekësore të cilët ndonëse arritën me shpejtësi në vendin e ngjarjes nuk mundën ta shpëtojnë Manuelin.
