Rrjeti elektrik i brendshëm i ndërtesës së re të Bashkisë Gjirokastër ka dalë jashtë funksionit. Burime të ArgjiroLajm.net thonë se çdo gjë është shkatërruar për shkak të instalimeve të gabuara. Konkretisht fuqia e instaluar e tensionit është më e madhe nga çfarë mund të përballonte kabëlli i përdorur për instalime. Ndonëse është herët për të nxjerr përfundimet dhe do duhen dëgjuar fillimisht ekspertët, ka dyshime se instalimet ne godinën e restauruar të Bashkisë Gjirokastër, janë kryer pa patur më parë një projekt elektrik të miratuar. Aktualisht për të mos ndërprerë punën nëpër zyra, është siguruar furnizimi me energji elektrike përmes një lidhje tjetër alternative. Restaurimi i godinës së Bashkisë Gjirokastër përfundoi pak kohë më parë.
©ArgjiroLajm.net
