Zv.presidenti i Federatës Shqiptare të Futbollit (FSHF), Arben Dervishaj, ishte i ftuar në studion e emisionit “Log.” në News24, ku foli për sfidën e fundit mes Shqipërisë dhe Serbisë, e cila përfundoi me fitoren 1-0 për kuqezinjtë.
Gjatë intervistës, Dervishaj ndaloi veçanërisht te momenti i golit të Rey Manajt, i cili pas realizimit festoi me simbolin e shqiponjës, gjest që pasoi me ndëshkimin e tij me karton të verdhë.
Sipas Dervishajt, ndëshkimi nuk kishte lidhje me festën me shqiponjë, por me faktin që lojtari u drejtua në mënyrë të gabuar drejt pankinës serbe.
“Kartonin e verdhë Manaj e mori, jo për shkak të shqiponjës, por iu drejtua gabimisht pankinës kundërshtare serbe, dhe u mor si provokim nga arbitri,” sqaroi ai.
Ai theksoi gjithashtu se festimi me simbolin e shqiponjës nuk përbën shkelje sipas rregulloreve të UEFA-s, duke cituar një vendim të Komitetit të Apelit: “Mund të festohet me shqiponjë. Komiteti i Apelit në UEFA ka dhënë vendim që mund të festohet me shqiponjë dhe nuk ka problem.”
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
