Një aksident rrugor është regjistruar mesditën e sotme në bypass-in e Fierit, konkretisht në segmentin Levan–Mbrostar.
Në aksident janë përfshirë dy automjete, një mjet tip “Ford” dhe një “Range Rover”. Si pasojë e përplasjes, ka mbetur e plagosur një grua, e cila ndodhej si pasagjere në automjetin “Ford”.
E lënduara është transportuar me urgjencë drejt spitalit rajonal të Fierit, ku po merr ndihmën mjekësore të nevojshme. Ende nuk dihet gjendja e saj shëndetësore.
Policia ndodhet në vendngjarje dhe ka nisur hetimet për të përcaktuar shkaqet dhe rrethanat e aksidentit.
