Përmbytjet në Gjirokastër, llogaritjet paraparake të pasojave janë shokuese. Llogaritjet paraparake të pasojave të dëmëve të shkaktuara nga rreshjet më të fundit në Gjirokastër janë shokuese. Krahas vazhdimit të operacioneve të emergjencës civile, ka nisur përllogaritja e dëmeve të shkaktuara nga përmbytjet e javës së shkuar. Sipas ekspertëve të Drejtorisë Rajonalë të Bujqësisë: Janë rreth 1 mijë hektarë tokë të përmbytura, vetëm nga vërshimet e lumit Drino.
Por, edhe të përrenjve malorë në fushat e fermerëve privatë në territorët e Bashkive Dropull, Libohovë dhe Gjirokastër.
Dëmet në tokat bujqësore/ Sipas përllogaritjeve nga sipërfaqet e mbuluara nga uji, rreth 800 hektarë u përmbytën për shkak të moskullimit të tokave. Si dhe mosfunksionimit të kanaleve kulluese. Ndërsa, 200 hektarë të tjerë janë përmbytur drejtpërdrejtë nga dalja nga shtrati e Drinos.
Dëmet në blektori/ Ekspertët e blektorisë deri tani janë raportuar vetëm 50 kokë bagëti të ngordhura në Njësinë Administrative Lunxhëri të Bashkisë Gjirokastër. Rreth 8 ton peshk nga rezervatet e rritjes në Picard.
Dhe rreth 100 koshere bletësh të asgjësuara në lagjen periferike Gërhot në qytetin e Gjirokastrës.
Dëmet në bizneset private/Janë në proces përllogaritjeje dëmet e konsiderueshme që kanë pësuar shumë biznese në të tri bashkitë e luginës së Drinos. Sidomos dëmet pjesën e poshtme të qytetit të Gjirokastrës.
Vlerësimi i saktë i dëmeve bëhet pasi qeveria ka premtuar dhe parashikuar dëmshpërblim. Sipas kryeministrit Rama, pritet që në të ardhmen e afër sigurimi ndaj fatkeqësive natyrore i banesave dhe bizneseve private të bëhet i detyrueshëm me ligj. Mbetet e paqartë nëse sigurimi i detyrueshëm do të përfshijë dëmet dhe dëmshpërblimet për pasojat e pësuara nga përmbytjet e javës së shkuar.
