Ujësjellesat e njësive administrative të 7 bashkive të qarkut Gjirokaster pas rreshjeve problematike të javës së kaluar janë dëmtuar ndjeshëm. Lajmi konfirmohet nga prefekti i qarkut, Astrit Aliaj.
“Nga informacionet që kemi marrë nga njësitë administrative të 7 bashkive të qarkut na është bërë e ditur se ujësjellësat janë dëmtuar dhe kanë probleme të rënda. Pjesa më e madhe e të cilëve janë jashtë funksionit”, tha Prefekti Aliaj në mbledhjen e Shtabit të Emergjencave në Prefekturën Gjirokastër.
Nga vlerësimet paraprake mësohet se Ujësjellësi i Mashkullorës është shkatërruar në një gjatësi prej 500 metra linear. Ujësjellësi i Çepunës dëmtuar në gjatësinë 200 m. Ndërkohë ujësjellësat e Fushëbardhës, Kakodhiqit, Pakokastrës, Andon Poçit dhe Tërbuqit kanë dëmtuar në forma të ndryshme në distance nga 50 deri në 100 m.
Dëmtimet të konsiderueshme kanë pësuar edhe ujësjellësat në zonat rurale të Tepelenës dhe Përmetit.
