Si kurrë më parë, Botërori për Shqipërinë është vetëm 2 hapa larg, por shkalla e vështirësisë është shumë e lartë, në një kohë kur duhet të bëjmë llogaritë me 2 rivalë të fortë si Polonia, dhe fituesi i çiftit Ukrainë-Suedi.
E sigurt është vetëm sfida e 26 marsit, ku Polonia pret Shqipërinë në Varshavë, por së fundmi ishte Federata Ukrainase e Futbollit e cila bëri publike edhe axhendën e finales së “play-off”, gjithnjë nëse edhe ata kalojnë fillimisht Suedinë.
Ndryshe nga se pritej, ashtu siç ka ndodhur këtë periudhë, Ukraina nuk do ta luajë finalen e “play-off” në Poloni, por ka zgjedhur Spanjën, Valencian. Sigurisht kjo është një lëvizje deri diku e pritshme pasi nuk dëshirojnë që t’i japin Polonisë një bonus nëse do të përballen me këta të fundit në finale. Federata ukrainase ka përzgjedhur stadiumin e “Estadi Ciutat de Valencia”, një stadium që përdoret nga ekipi i Levante.
Në çdo rast, edhe nëse Shqipëria nuk arrin të kualifikohet për në fazën finale të “play-off”, nëse edhe Ukraina nuk kalon Suedinë, dy ekipet, në bazë edhe të rregullores së FIFA-s janë të detyruara të luajnë ndërmjet tyre në Valencia me 31 mars, një ndeshje që nuk do të ketë asnjë vlerë.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
