Barça nuk di të ndalet, “thyen” 2-0 edhe Villarael duke siguruar fitoren e 7-të radhazi, një ecuri perfekte që konfirmon formën fantastike që po kalon ekipi i Hansi Flick. Fal këtij suksesi, Barça ruan diferencën prej 4 pikësh me Real Madrid.
Në minutën e 12-të, Raphinha fitoi një 11-metërsh dhe po vetë nga pika e bardhë u tregua i saktë duke zhbllokuar rezultatin. Sulmuesi brazilian flirtoi edhe me golin e dytë pak minuta më vonë, ku goditja e tij u përplas në traversë. Villareal vendosi jo pak në siklet Barçën, madje gjetën edhe golin e barazimit, por gjyqtari i takimit anuloi gjithçka për pozicion jashtë loje. Në momentin e tyre më të mirë, “nëndetësja e verdhë” mbeti me 10-të lojtarë ku në minutën e 39-të Viega ndërhyri në mënyrë të gabuar ndaj Yamal duke u ndëshkuar drejtpërdrejtë me karton të kuq.
Në fraksionin e dytë, në minutën e 63-të, Yamal përfitoi nga një top i ngecur në zonë duke dyfishuar shifrat. Rezultati mbeti i pandryshuar deri në fund, me Barcelonën që feston titullin simbolik, kampion dimri, detaj i përzgjedhur edhe nga e përditshmja Sport.
“Torpedo Barça”, shkruan e përditshmja tjetër spanjolle Mundo Deportivo. I kënaqur me këtë fitore u shfaq edhe trajneri Hansi Flick: “Kam një skuadër fantastike, shumë të shpejt në sulm. Jam shumë i lumtur me këtë trepikësh. A do kërkoj një mbrojtës në janar? Për këtë do të flas me Deco-n të hënën”, u shpreh Hansi Flick në konferencë për shtyp.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
