Alexandar Isak ishte dëshira e madhe e Arne Slot, një sulmues për të cilin Liverpool investoi 145 milionë euro, një shifër rekord, blerja më e shtrenjtë në historinë e Premier League. Ndryshe nga se pritej, Isak jo vetëm që nuk po arrin të bëjë diferencën në shtëpinë e kuqe, por transferimi i tij po rezulton një “flluskë”. Sulmuesi suedez është jashtëzakonisht larg emrit dhe statusit që erdhi në Liverpool, por fati i keq nuk po i ndahet pasi tani rrezikon të qëndrojë jashtë fushës së lojës për një kohë të gjatë.
Në ndeshjen kundër Tottenham, Isak arriti të gjente rrugën e rrjetës, por në atë moment pësoi edhe një dëmtim të këmbë duke dalë nga fusha e lojës. Isak iu nënshtrua testeve mjekësore dhe përgjigja e tyre ndez “alarmin” pasi sulmuesi ka pësuar një dëmtim në kyçin e këmbës, por mbi të gjitha ka pësuar një frakturë të fibulës.
Në reagimin për mediat, klubi i kuq u mjaftuan me kaq, duke mos bërë publike kohën e rikuperimit, e cila pritet të jetë e gjatë. Me dëmtimin e Isak, me Salah të angazhuar në Kupën e Afrikës, plus Cody Gakpo gjithashtu të dëmtuar, Slot ka në dispozicion vetëm Ekitike, në kushte të tilla detyron klubin të futet sërish në merkato për të gjetur një tjetër sulmues.
Sipas mediave angleze, Antoine Semenyo, sulmuesin i Bournemouth shihet si opsioni kryesor për të përforcuar fazën ofensive. Sulmuesi ganez ka një klauzolë largimi prej 65 milionë euro, por kërkohet edhe nga Man.City dhe United.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
