Nuk ndodh shpesh, por një gafë e Gjimshitit i dhuroi Inter një 3-pikësh të artë në transfertë përballë Atalanta-s, një sukses 0-1 që mban zikaltërit në krye të Serie A në kuotën e 36 pikëve, plus 1 në raport me Milan. Kapiteni kuqezi u rikuperua në kohë rekord, por për fat të keq rikthimi i tij në fushë nuk i shërbeu Atalantës.
Në Bergamo u zhvillua një sfidë shumë e bukur, me raste për shënim nga dy ekipet. Thuram gjeti rrugën e rrjetës në minutën e 35-ët, por gjyqtari i takimit anuloi gjithçka për pozicion jashtë loje. Në fraksionin e dytë, Gjimshiti në përpjekje për të hapur topin në anën tjetër të fushës, i dhuroi një top të pastër Pio Esposito-s, me këtë të fundit që shërbeu për Martinez, kapiteni nuk fali duke tundur rrjetën.
Atalanta kishte shansin të shmangte këtë humbje, por Samardzic i vetëm përballë Sommer gjuajti keq duke shpërdoruar një rast të pastër. Rezultati mbeti i pandryshuar deri në fund, me Inter që feston për këtë fitore të madhe. Pavarësisht se ndodhen në krye, trajneri Chivu nuk feston përpara kohë:
“Në futboll nuk ka asgjë të sigurt, për momentin fusha tregon se jemi të parët, por kaq nuk mjafton, rruga është ende e gjatë, jemi vetëm në dhjetor. Në dëshirojmë vetëm të jemi konkurrues, duhet të luftojmë”, u shpreh Chivu.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
