Një nga momentet më kulmore të ndeshjes mes Vorës dhe Partizanit të fituar nga vendasit me rezultatin 1-0, ishte edhe penalltia e shpërdoruar nga ana e sulmuesit Rrok Toma në fundin e pjesës së parë.vora-partizaniNjë episod që mund të kishte ndryshuar fatet e krejt takimit dhe të bënte që kryeqytetasit të dilnin me një rezultat pozitiv nga transferta e parë për fazën e tretë të kampionatit. Te Partizani, nuk kanë pasur shansin që të godasin shumë 11-metërsha në këtë sezon, madje ajo ndaj Vorës ishte vetëm e dyta e akorduar në favor të Partizanit. Penalltia e parë për këtë sezon ishte ajo e akorduar në ndeshjen ndaj Bylisit në fazën e parë, kur Partizani mposhtej me shifrat 3-1.
Nga pika e bardhë u paraqit Vusal Isgandarli me sulmuesin nga Azerbaxhani që tregohej i saktë duke gjetur rrugën e rrjetës. Ndërkohë, janë tre penalltitë e akorduara kundër “Demave të kuq”. E para ishte ajo ndaj Tiranës në derbin e kryeqytetit me Patsatsian që shënoi golin e dytë në disfatën e Partizanit me rezultatin 3-0. Ndërkohë, penalltia e dytë e akorduar kundër të kuqve ishte ajo ndaj Teutës me Gonzalo Zelën që ndëshkoi kryeqytetasit, që gjithsesi në fund fituan me rezultatin 3-2.
Ndërsa, një tjetër penallti e akorduar kundër ishte ajo ndaj Flamurtarit e shndërruar në gol nga Herald Marku, megjithatë edhe në atë takim, Partizani ia doli të merrte pikët e plota duke fituar me rezultatin 2-1 falë golave të Isgandarli dhe Skukës.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
