Nga Fatmir Popja
Egnatia–AF Elbasani, kryendeshja e javës nis me vonesë, tension në tribuna dhe duel të fortë në fushë.
Dueli mes Egnatias dhe AF Elbasanit është padyshim kryefjala e kësaj jave në Kategorinë Superiore, një përballje që pritej me interes të jashtëzakonshëm si nga tifozët ashtu edhe nga opinioni sportiv. Megjithatë, sfida nuk nisi sipas parashikimit, pasi u startua me 6 minuta vonesë nga orari zyrtar.
Që në minutat e para, atmosfera në stadium ka qenë e ndezur. Në tribuna, tifozeritë e të dy skuadrave nuk kanë reshtur së sharë njëra-tjetrën, duke krijuar një klimë tensioni që është reflektuar edhe në fushën e lojës. Pas sinjalit të arbitrit, dueli ka nisur mjaft i fortë, me ritëm të lartë dhe ndërhyrje të ashpra nga të dyja palët.
Rrogozhinasit vijnë në këtë takim si kryesues të renditjes dhe synimi i tyre është i qartë: të mbajnë larg ndjekësin më të afërt dhe pse jo, të shkëputen edhe më shumë nga verdheblutë. Nga ana tjetër, AF Elbasani i Ivan Gvozdenoviç ka treguar në këtë edicion se është gati të rivalizojë seriozisht për titullin, duke sfiduar kampionët e dyfishtë në fuqi.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
