Nga një bekim për Arabinë Saudite, lojtari që ndryshoi totalisht imazhin e Ligës, tani C.Ronldo po kthehet në një shqetësim, kjo pasi legjenda portugeze po kalon kufijtë e një proteste të heshtur. Sjellja e tij nuk është pritur mirë nga ambienti në Arabinë Saudite, me tifozët dhe opinionin që po i kujtojnë se paguhet 585 mijë euro në ditë për të luajtur dhe jo për të protestuar.
Në lidhje me këtë temë reagoi edhe Saudi Pro League, me anë të zëdhënësit për shtyp: “Askush, pavarësisht rëndësisë që ka, nuk mund të qëndrojë mbi klubin apo ligën dhe të ndikojë në aktivitetin e klubit. Klubet janë të pavarur dhe secili operon brenda të njëjtës rregullore”, u shpreh zëdhënësi i Ligës në një reagim për BBC, por pa përmendur emra specifik.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
