Skuadra e Vllaznisë ka siguruar një tjetër fitore këtë fundjavë duke mundur Tiranën e duke çuar në 5 pikë diferencën ndaj ndjekësve më të afërt. Një diferencë e ndjeshme që mund t’i japë avantazhin në fazën e “Final Four”, por që tregon njëkohësisht se si kuqeblutë kanë një marsh më shumë në krahasim me të kaluarën.
Edhe në edicionet paraardhëse Vllaznia e ka parë veten shpesh mes pretendentëve për titullin, por në këtë pikë të sezonit, nuk ka qenë asnjëherë kaq mirë sa në edicionin aktual sa i përket bilancit të pikëve në kampionat.
Pas 26 javësh, Vllaznia ka 51 pikë dhe që nga viti 2010, askush nuk i afrohet ecurisë aktuale të skuadrës ë Martinit. Ato që i afrohen më shumë janë skuadrat e sezonit 2023-2024 dhe 2020-2021, të drejtuara përkatësisht nga Qatip Osmani dhe Tomas Brdariç, të cilat arritën 46 pikë. Më pas, me 45 pikë, vjen Vllaznia e edicionit të kaluar, po me Brdariç në stol, që siguroi 45 pikë. Por asnjëra prej tyre, nuk ishte e para në renditje në këtë pikë të kampionatit, e as një golavarazh më të mirë se ai +16 i ekipit aktual.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
