Prej kohësh, fill pas largimit të C.Ronaldo dhe Leo Messi-t nga futbolli i rëndësishëm, mediat dhe opinioni flasin për Haaland dhe Mbappe duke harruar në mënyrë të pavetëdijshme Harry Kane. “Bomberi” anglez vijon të dominojë skenën duke bërë liderin te Bayern Munich dhe te përfaqësuesja e “Tre Luanëve”. Kane vërtetoi edhe një herë, se përtej moshës, ka ende shumë klas në këmbët e tij, ku në Klasiken përballë Dortmund realizoi një tjetër “dopietë”.
Deri në këtë pikë të sezonit, Harry Kane ka realizuar 45 gola, shifra me të vërtetë fantastike. Në sezonin e dytë radhazi, “bomberi” anglez ka rezervuar titullin në Gjermani, pasi suksesi ndaj Dortmund praktikisht e mbyll çështjen titull në Bundesligë, por ego dhe objektivi i tij shkojnë përtej, synimi i Harry Kane dhe Bayern Munich është Champions League, aty ku në fazën e 1/8 përballen me Atalanta-n.
Sigurisht një meritë të padiskutuar në këtë shifra të Harry Kane kanë edhe lojtarë si Olise, Luis Diaz, Musiala etj. Me një grup të tillë, Kane dhe Bayern me të drejtë synojnë triumfin edhe në Champions.
Kapiteni anglez është i vetëdijshëm se me këto shifra dhe me këtë rendiment deri më tani është kandidati kryesor për të fituar “Këpucën e Artë”, golashënuesin më të mirë në Evropë, dhe sigurisht është kandidati kryesor për të fituar “Topin e Artë”.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
