Getafe fiton me rezultatin 1-0 në Bernabéu me një gol sensacional nga Satriano 39’ dhe me një performancë madhështore nga e gjithë skuadra, e cila nuk i lejoi pothuajse asgjë Real Madridit. Në krahun tjetër zhgënjimi ishte i gjithi për “Los Blancos” që nuk reaguan dot, duke zhvilluar një peformancë shumë të dobët, pavarësisht mungesa të rëndësishme në formacion.
Formacioni i Arbeloas nuk ishte në gjendje ta thyente skuadrën e trajnerit Jose Bordalás, duke shfaqur një mungesë alarmante kohezioni dhe burimesh. Një gol mahnitës nga ana e kundërshtarit në pjesën e parë ishte i mjaftueshëm për të ekspozuar skuadrën madrilene të çorganizuar dhe të çrregullt, të mbingarkuar nga intensiteti i një kundërshtari me meritë të pamohueshme, të organizuar nga Milla në fushë dhe Bordalás në stol. Satriano gjen rrjetën në fundin e pjesës së pare, duke u kordinuar fluturimthi saktë për të mposhtur Courtois dhe për ta bërë të hesht “Bernabeun”.
Edhe pjesa e dytë nuk solli asnjë ndryshim. Futja në lojë e Rodrigos vetëm sa ngatërroi më shumë manovrën e madrilenëve, ndërsa duhet veçuar edhe forma jo e mire e brazilianite Vinicius apo edhe sulmuesit të ri Gonzalo Garcia.
Real Madridi tani është katër pikë prapa Barcelonës, dy humbje radhazi janë shumë për Merengues dhe pritet të ndikojnë në llogaritë finale për garën drejt titullit kampion në La Liga.
Álvaro Arbeloa nuk e zbuti humbjen e rëndë që la shumë të tronditur Real Madridin në prag të duelit me Manchester City në Champions, megjithatë tekniku i “Los Blancos” nuk dha sinjale dorëzimi Vetëm dy javë pas kryesimit, tani të tijtë janë 4 pikë pas Barcelonës: “Lamtumirë La Liga? Jo, objektivi ynë është të marrim 36 pikët e mbetura. Ky është Real Madridi dhe këtu askush nuk dorëzohet. Mendojmë se diferenca mund të rikuperohet”.
Të ashpra ditën e sotme thuajse të gjitha gazetat prestigjoze spanjolle, të cilat i kishin kushtuar titujt kryesorë, pikërisht disfatës së Real Madrid, ndaj Getafes. “Ky Madrid nuk jep dot më shumë se sa kaq”, “KO i Los Blancos”, tani -4 pikë nga Barcelona”, “Tjetër ndeshje qesharake” dhe “Më shumë se sa një dështim”, ishin disa prej titujve kryesorë të tyre, që “shigjetuan” ekipin e drejtuar nga Arbeloa.
