Nuk është zyrtare, por është thuajse e pamundur që Medon Berisha të jetë në dispozicion të Kombëtares për sfidat e fazës “play-off”. Nga Italia, mediat bëjnë me dije se mesfushori kuqezi është ende shumë larg rikthimit në fushë, kjo pasi Berisha vijon të stërvitet në mënyrë të diferencuar. Sipas raportit të fundit mjekësor, i bërë publik nga klubi i Lecces, Berisha nuk është bashkuar ende me pjesën tjetër të ekipit, por po stërvitet në bazë të një programi individual.
Nuk është ende e qartë, koha e rikthimit të tij në fushë, por gjithnjë sipas mediave italiane, Berisha pritet të jetë në dispozicion të Di Francesco-s për takimin kundër Romës më 22 mars. Stafi mjekësor planifikon t’i jap disa minuta në këtë përballje, por pa rrezikuar. Me shumë gjasa, mesfushori do të jetë 100% gati vetëm për takimin kundër Atalantës me 4 prill.
Në këtë mënyrë, është thuajse e pamundur që Sylvinho t’i rezervojë Medon Berishës një festë për takimet e fazës “play-off”. Pavarësisht se Berisha nuk ka qenë titullar në sytë e Sylvinho-s, ky nuk është një lajm pozitive pasi mesfushori u ndal pikërisht në momentin e tij më të mirë.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
