POLICIA E SHTETIT
Një 17-vjeçar është proceduar penalisht nga Policia e Gjirokastrës, pasi u kap me një sasi të vogël lënde të dyshuar narkotike.
Sipas njoftimit zyrtar, specialistët për Hetimin e Narkotikëve referuan materialet në Prokurori, duke nisur procedimin penal ndaj të miturit, banues në Gjirokastër. Gjatë kontrollit fizik të ushtruar ndaj tij, policia konstatoi dhe sekuestroi një sasi të vogël Cannabisi.
Materialet procedurale i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për vijimin e veprimeve të mëtejshme.
Autoritetet vijojnë kontrollet për goditjen e rasteve të shpërndarjes dhe përdorimit të lëndëve narkotike, ndërsa apelojnë për ndërgjegjësim, veçanërisht te të rinjtë, për pasojat ligjore dhe shëndetësore që sjell përfshirja në veprimtari të tilla.
