Për fat të mirë, pjesa tjetër e Shqipërisë, Kosova, vuri në jetë një kryevepër të vërtetë, me “Dardanët” që triumfuan me spektakël përballë Sllovakisë duke siguruar një biletë për në fazën “play-off” të Botërorit. Ekipi i Franco Fodës është vetëm një hap larg realizimit të një objektivi historik, të jashtëzakonshëm, por përpara kanë një pengesë të fortë, Turqinë, një komb i madh, që kërkon të rikthehet në Botëror pas 24 vitesh mungesë.
Vedat Murqi, një nga qendërsulmuesit më në formë në Evropë aktualisht do të këtë përballë një pjesë të mirë të kaluarës së tij, në një kohë kur “Pirati” i bë i famshëm pikërisht në Turqi, aty ku luajti për afro 8 sezone. Në një intervistë për mediat në Turqi, Murqi vlerësoi rivalin e tyre më 31 mars, një ekip që ka në përbërje yje si Arda Gyler, Kenan Yildiz e shumë e tjerë:
“Kam pasur nderin të luaj kundër disa prej këtyre lojtarëve, si kundërshtar dhe madje në të njëjtën skuadër me disa prej tyre. Po përjetoj vërtet ndjenja të mrekullueshme dhe interesante, por duke pasur parasysh që Turqia nuk është kualifikuar për Kupën e Botës për 24 vjet, mendoj se do të jetë një ndeshje shumë e vështirë dhe konkurruese. Pa dyshim, Turqia është favorite. Avantazhi ynë është se do të luajmë në shtëpi. Ju keni Kenan Yildiz, keni Ardën, këta janë asete të mëdha për futbollin turk, për futbollin evropian dhe për futbollin botëror. Ne duam të bëjmë më të mirën tonë, të bëjmë atë që dimë më mirë, të luajmë futboll ekipor dhe të arrijmë qëllimin tonë”, u shpreh Vedat Muriqi.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
