Italia është vetëm një hap larg rikthimit në Botëror pas 12 vitesh mungesë, por për të arritur “Parajsën”, duhet të kalojë më parë nëpër një “Ferr” të vërtetë.
Në Zenica, ku do të luhet finalja e playoff-it ndaj Bosnjës, pritet një sfidë e ashpër në çdo aspekt. Kushtet atmosferike nuk premtojnë aspak: shi, të ftohtë dhe një terren i rënduar që mund të ndikojë ndjeshëm në lojë.
Stadiumi, i njohur për kushtet jo optimale, pritet të krijojë një ambient të zjarrtë, me tifozë shumë pranë fushës dhe presion maksimal mbi skuadrën italiane. Një skenar që favorizon vendasit dhe që mund të zvogëlojë diferencat teknike mes dy ekipeve.
Për këtë arsye, për Italinë do të jetë thelbësore përqendrimi maksimal dhe një përgatitje e fortë mendore. Gabimet nuk lejohen. Jo këtë herë. Trajneri Gattuso pritet t’u besojë titullarëve, me një dilemë të vetme në mesfushë mes Locatellit dhe Cristantes, ku pesha fizike mund të bëjë diferencën në një fushë të rënduar. Në sulm konfirmohet dyshja Kean–Retegui, ndërsa Pio Esposito mbetet një alternativë e rëndësishme për pjesën e dytë.
Skuadra do të udhëtojë drejt Sarajevës dhe më pas në Zenicë, ku do të nisë numërimi mbrapsht për sfidën vendimtare.Një ndeshje që vlen një sezon… një ndeshje që vlen një Botëror. Italia është gati. Tani fjalën e ka fusha.
