Teksa finalja e madhe e Big Brother VIP po afron, tensionet mes banorëve vijojnë të rriten. Një nga debatet më të hershme të këtij edicioni, ai mes Mirit dhe Selin për të ashtuquajturën “historia e krevatit”, është rikthyer sërish në qendër të vëmendjes gjatë prime-it të fundit.
Dy banorët kanë shkëmbyer akuza të ndërsjella për mënyrën sesi kanë rrjedhur ngjarjet që në ditët e para të qëndrimit në shtëpi, pasi ndanë të njëjtin krevat. Situata u rindez edhe më shumë pasi Vëllai i Madh transmetoi një klip me momentet e tyre, duke nxitur reagime dhe interpretime të ndryshme.
Në debat është përfshirë edhe Rogerti, i cili hodhi dyshime se mes tyre mund të ketë pasur njohje jashtë shtëpisë, pretendim që u mohua menjëherë nga të dy protagonistët.
Pjesë nga diskutimet:
Miri: Kristi na vendosi në një krevat, sepse Selin e ka kërkuar të flejë afër Mirit. Është parë ajo shumë e pastër. Për batutat, patjetër që do bënim batuta për tu miqësuar. Ja ku është Selin.
Selin: Këto pamje nuk janë reagimet e para. Kur jam futur brenda, të gjitha krevatet tek ishin zënë. Kam thënë do i them Kristit për të njëjtën batutë dua të rri afër Mirit
Miri: Ne e pamë videon.
Selin: Kristit ia kam thënë a mund ta ndërroj krevatin. Kam vendosur të mos replikoj më me këtë situatë se është e vetmja situatë që i intereson. Miri i jep tjetër kontekst historisë. Ti ke ngel akoma të krevati, unë kam shumë më tej për të diskutuar.
Miri: Nuk kam ngecur unë, Vëllai i Madh i solli sot.
Selin: Mirit i intereson ta çojë temën gjithmonë te historia e krevatit
Miri: Je ti që e ke diskutuar, e ke thënë ti “unë kam bërë krevatin”.
Rogert: Diçka ka mes tyre para se të hynë në Big Brother, mbase një telefonatë. Pashë gjuhën e trupit që nuk ishin të surprizuar kur u takuan. Pashë që Miri që kishte rolin “player”, po i pëlqente fakti që kjo vajzë po i ulej afër. Mu duk një gjuhë trupi sikur ishte e planifikuar. Fakti që nuk e kanë lëshuar krevatin, për lojën që i ka marrë të dy në qafë. Gjuha e trupit po gënjen.
