Një ngjarje e pazakontë është regjistruar gjatë natës në lagjen “8 Shkurti” në Fier, ku një person ka humbur jetën në rrethana të çuditshme.
Sipas informacioneve paraprake, një i ri rreth të 40-ave, ende i paidentifikuar, dyshohet se ka tentuar të hyjë për të vjedhur në një banesë trekatëshe, por gjatë përpjekjes ka mbetur i bllokuar në dritare, ku edhe ka ndërruar jetë.
Banesa i përket shtetasit Uan Lule, i cili prej rreth një muaji ndodhet në Greqi pranë fëmijëve të tij. Sipas dëshmisë së vëllait të tij, Nikollaq Lule, personi që kujdesej për banesën e ka gjetur trupin e pajetë të të riut dhe ka njoftuar menjëherë policinë.
Trupi i viktimës është transportuar në morgun e Fierit, ndërsa autoritetet vijojnë punën për identifikimin e tij dhe zbardhjen e plotë të rrethanave të ngjarjes.
