Atalanta udhëton drejt “Olimpico”-s për përballjen ndaj Romës me një situatë të vështirë në repartin defensiv, ku mungesat kanë detyruar trajnerin të rishikojë të gjithë strukturën e mbrojtjes.
Në këtë kontekst, Berat Gjimshiti mbetet pika e referimit dhe lojtari më i besuar për të udhëhequr prapavijën. Me mungesat e konfirmuara dhe të mundshme si Isak Hien dhe të tjerë lojtarë të rotacionit, pesha mbi shpatullat e tij rritet ndjeshëm, duke e kthyer në lider absolut të linjës së fundit. Në krahasim me shokët e repartit, Gjimshiti spikat për përvojën dhe sigurinë që sjell në ndeshje të këtij niveli. Ai është lojtari që pritet të organizojë mbrojtjen dhe të mbajë ekuilibrin në një sfidë ku Roma kërkon të shfrytëzojë çdo hapësirë.
Ndërsa të tjerët janë të kushtëzuar nga dëmtimet apo mungesa e formës optimale, Gjimshiti mbetet elementi më i sigurt i Atalantës në prapavijë, një faktor kyç për të përballuar presionin në transfertën e e Romës që drejtohet nga trajneri që i dha besim dhe e bëri një emër të njohur në gjithë botën, Xhampiero Gasperini.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
