Finalet e play-off-it të kampionatit të Kategorisë së Dytë do të zhvillohen më 3 maj, në orën 15:00, duke përcaktuar skuadrat që do të vijojnë garën për ngjitjen në Kategorinë e Parë për edicionin e ardhshëm.
Në grupin A, Sopoti do të përballet me Shirokën në stadiumin “Selman Stërmasi”, ndërsa në grupin B, finalja e play-off-it do të luhet mes Butrintit dhe Bylisit B, në stadiumin “Luzi i Vogël”.
Fituesi i grupit A do të përballet më pas në një ndeshje vendimtare me skuadrën e renditur në vendin e 9-të të Kategorisë së Parë. Nga ana tjetër, fituesi i grupit B do të luajë një ndeshje play-off ndaj ekipit të renditur në vendin e 10-të të Kategorisë së Parë.
Të dyja këto përballje do të zhvillohen në një stadium neutral, i cili do të përcaktohet nga FSHF.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
