Vllaznia B është ekipi kampion i Kategorisë së Tretë. Në finalen e zhvilluar në “Shtëpinë e Futbollit”, kuqeblutë triumfuan ndaj Albpetrolit me rezultatin 4-2.
Takimi u zhbllokua në minutën e 24-t nga Papaj, ndërsa Zekaj dhe Naza në minutat 57 dhe 60 e çuan avantazhin në 3-0 për Vllazninë B.
Albpetroli reagoi në minutën e 71-të me golin e Hyskës, por Vllaznia B riktheu epërsinë e thellë me golin e katërt të shënuar nga Halili. Në fund të ndeshjes, Albpetroli shënoi sërish me Gjonin, por pa arritur të ndryshojë fatin e takimit, i cili u mbyll 4-2 për Vllazninë B.
Të dy skuadrat nga sezoni i ri do të garojnë në Kategorinë e Dytë.
Në përfundim të ndeshjes u zhvillua ceremonia e dorëzimit të trofeut dhe medaljeve nga Federata Shqiptare e Futbollit, ku anëtari i Komitetit Ekzekutiv të FSHF-së, Envi Hicka, i dorëzoi kupën dhe medaljet ekipit kampion Vllaznia B.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
