Pas përfundimit të fazës së rregullt të kampionatit “Abissnet Superiore” dhe zyrtarizimit të katër skuadrave pjesëmarrëse në “Final 4”, është përcaktuar edhe kalendari i ndeshjeve për fazën “Final 4”, bazuar në renditjen përfundimtare të ekipeve në kampionat.
Në përputhje me rregulloren e garës, pikët e grumbulluara gjatë sezonit të rregullt do të përgjysmohen, duke u llogaritur me vlerën më të ulët. Në total, në fazën “Final 4” do të zhvillohen gjashtë ndeshje, që do të përcaktojnë ekipin kampion të sezonit.
Renditja përfundimtare e skuadrave në këtë fazë sipas rregullores do të jetë si më poshtë:
1. Vllaznia 31 pikë
2. Elbasani 31 pikë
3. Egnatia 28 pikë
4. Dinamo City 24 pikë
Kalendari i ndeshjeve të Final 4:
Vllaznia vs Dinamo City, 16.05.2026 19:00
Elbasani vs Egnatia, 17.05.2026 19:00
Vllaznia vs Egnatia, 23.05.2026 19:00
Elbasani vs Dinamo City, 24.05.2026 19:00
Egnatia vs Dinamo City, 29.05.2026 19:00
Vllaznia vs Elbasani, 31.05.2026 19:00
Të gjitha ndeshjet do të zhvillohen në stadiumin “Air Albania”, në periudhën 16–31 maj 2026, duke garantuar një organizim maksimal dhe standarde të larta për fazën më të rëndësishme të sezonit.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
