Një nga futbollistët të cilët kanë qenë nën urdhrat e trajnerit Rolando Maran në klubet ku ka drejtuar, është edhe mbrojtësi Zylyf Myça. Djaloshi vesh prej vitesh fanellën kuqezi dhe ka bërë të gjitha kombëtaret e moshave duke filluar nga U15 për të mbërritur deri në U21.
Muça ka qenë pjesë e Breshias në vitet e fundit nën drejtimin e Maran, duke qenë nën urdhrat e tij, por duke mos u aktivizuar nga tekniku i cili u emërua pak ditë më parë në stolin e kuqezinjve. Dhe për të pasur minuta me të, tashmë me fanellën kuqezi, ai do të vazhdojë të presë, derisa të bëjë hapin e rëndësishëm në karrierë meqenëse 21-vjeçari luan ende me Trenton në Serinë C.
Por ai nuk do të mungojë në listën e përfaqësues U21 të drejtuar nga Alban Bushi, pasi futbollisti ka marrë këto ditë ftesën për t’iu bashkuar kuqezinjve në grumbullimin për miqësoret ndaj Sllovenisë dhe Italisë. Kujtojmë se U21 e Shqipërisë do të jetë pjesëmarrëse në fazën finale të Euro 2027 si vend organizator, ndaj gjatë këtyre viteve ekipi po zhvillon vetëm miqësore nëpërmjet të cilave trajneri Bushi kërkon të përforcojë grupin e lojtarëve.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
