Me apo pa Champions, në shtëpinë e Milan do të ketë revolucion. Pas sfidës kundër Cagliari-t, ku ekipi i Allegri-t mjafton të fitojë, Cardinale do t’i hap rrugë revolucionit. Sigurisht prezenca në Champions do të këtë ndikim edhe në lidhje me projektin e ri, me merkaton, por është e qartë se tani e gjithë kupola drejtuese ka bërë gati “valixhet”.
I larguari i parë do të jetë Giorgio Furlani, me Cardinale dhe stafin e tij të ngushtë që po punojnë për të gjetur një Administrator të ri. Pas vetëm një viti edhe Igli Tare pritet të largohet nga posti i Drejtorit Sportiv, ndërsa e paqartë mbetet e ardhmja dhe roli i Zlatan Ibrahomovic.
Ndryshe nga stafi drejtues, prezenca në Champions pritet të ketë një peshë specifike në lidhje me të ardhmen e trajneri Max Allegri. Nga Italia, mediat bëjnë me dije se nëse Milan arrin të kualifikohet në Champions atëherë Allegri do të konfirmohet edhe në kuadër të sezonit të ri.
Cardinale ka bërë gati edhe dhuratën e parë për të, me Leon Goretzka-n që pritet të transferohet në Milano, por kujdes, mund të jetë vetë trajneri që të kërkojë largimit, mbi të gjitha nëse përzgjidhet si pasuesi i Gattuso-s në krye të Italisë. Gjithsesi, deri të dielën, e gjithë vëmendja do të jetë te sfida kundër Cagliari-t, të sigurojnë prezencën në Champions për të nisur më pas revolucionin kuqezi.
