Amri Anxhelina Lameborshi është një xhudiste vetëm 15 vjeç, e lindur në Spanjë, por që përfaqëson Shqipërinë. Amri konsiderohet si një nga talentet më premtuese në disiplinën Jiu-Jitsu, pasi numëron 6 tituj NAGA, 3 herë kampione bote, 7 herë kampione e Evropës dhe 11 herë kampione e Spanjës. Në një intervistë për News24, Amri rrëfeu se si lindi pasioni për këtë sport, objektivat për të ardhmen dhe lidhja e saj me Shqipërinë:
-Amri, po mahnit Spanjë, por jo vetëm, në sportin e Jiu-Jitsu(Xhi-Jitsu). Më trego pak, pse kjo zgjedhje, çfarë të shtyu të merresh me këtë sport?
Unë kam bërë sport të gjithë jetën, u futa në boks, por nuk më pëlqente, më pas u futa në klasat e Jiu-Jitsu, e provova dhe më pëlqeu shumë. Shumë adrenalinë, teknikë, forcë.
-Po shihja CV tende, tituj pafund, 3 tituj Botëror, 7 here kampione e Evropës, e shumë të tjerë. E mendoje diçka të tillë kur e nise si sport?
Jo, e nisa për qejf, për të bërë sport, por më pas mora pjesë në një kompeticion, aty fitova dhe kështu vijoi, duke fituar të gjithë këto tituj
-Konsideroheni si një prej talenteve më premtues në Jiu-Jitsu, këtë e vërtetojnë edhe titujt. Ku e sheh të ardhmen, cili është objektivi juaj më i madh?
Dua të fitoj rripin e zi, të jem kampione bote, më pas te hap nje palester
-Amri, çfarë ndjesie të jep të përfaqësosh Shqipërinë, vendin e origjinës, çfarë do të thotë për ty?
Ndihem shumë e lumtur, Shqipëria është origjina ime
-Në Shqipëri nuk njihet si disiplinë, ke në plan që në një të ardhme të afërt, të shpërngulesh në Shqipëri, ta përhapësh si sport?
Po, ky është objektivi im i parë, të hap një palestër, që njerëzit të njihen me këtë sport. Fillimisht dua të fitoj rripin e zi, më pas të vijë në Shqipëri
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
